Hindistanın şimalındakı Uttar-Pradeş ştatında “Kumb mela” dini festivalında yaranan izdiham nəticəsində azı 7 nəfər ölüb, 10-dan çox insan yaralanıb.

Bu barədə “Report” yerli mətbuata istinadən xəbər verir.

Polis bildirib ki, izdiham festival zamanı 40 dindarın ölümünə səbəb olan oxşar hadisənin qeydə alındığı yerdən təxminən 3 km aralıda baş verib. Məlumata görə, bu faciədən sonra dövlət orqanları ikinci izdiham və qurbanlar barədə susur.

Hindistanın şimalında hər 12 ildə bir dəfə “Kumb mela” festivalı keçirilir. Yanvarın 13-dən etibarən artıq 110 milyondan çox zəvvar Qanq çayında çimərək festivalda iştirak edib. Qırx beş günlük festivalda 1,5 milyon nəfəri əcnəbi olmaqla, 450 milyon insanın iştirak edəcəyi gözlənilir.

Oxşar xəbərlər

Hindistanda izdihamda azı 40 nəfər ölüb

Hindistanda festivalda baş vermiş izdihamda azı 15 nəfər ölüb

Hindistanda dini məbəddəki izdihamda 6 nəfər ölüb

Hindistanda festivalda 30 nəfər ölüb, 90 nəfər yaralanıb - VİDEO

Hindistanda dini bayramda səhnə çöküb, altı nəfər ölüb