Britaniya Silahlı Qüvvələri La-Manş sularında Rusiya Federasiyasının kölgə donanmasına məxsus neft tankerini ələ keçirib.

"Sizinxeber.az" xəbər verir ki, bu barədə Birləşmiş Krallığın Baş naziri Kir Starmer "X" sosial şəbəkə hesabında yazıb.

"Bu gün səhər tezdən mən Silahlı Qüvvələrimizə La-Manşdan keçməyə cəhd edən kölgə donanmasının neft tankerini ələ keçirmək əmri verdim. Bu uğurlu əməliyyat Rusiyaya növbəti zərbəni vurur və Ukraynadakı müharibəni qidalandıranlara gizlənmələrinə imkan verməyəcəyimizi xatırladır", - o bildirib.

Starmer, həmçinin ölkənin təhlükəsizliyini təmin edən hərbçilərə və hüquq-mühafizə orqanlarının əməkdaşlarına təşəkkür edib.

O, digər təfərrüatları açıqlamayıb.

Oxşar xəbərlər

Britaniya Rusiyanın “kölgə donanması”na sanksiyalar tətbiq edəcək

Britaniya Rusiyanın “kölgə donanması”na qarşı yeni sanksiyalar tətbiq edib

Ukrayna ordusu Rusiyanın kölgə donanmasının iki tankerinə zərbə endirib

Hindistan “Lukoil”un neft daşıyan tankerini limana buraxmayıb

Ukrayna Rusiyanın kölgə donanmasının bir neçə gəmisinə zərbə endirib - YENİLƏNİB