ABŞ Konqresinin Nümayəndələr Palatasının bir qrup qanunvericisi uçan naməlum obyektlər (UNO) barədə məlumatları açıqlayan şəxsləri qorumaq təklifi ilə administrasiyaya müraciət etməyi planlaşdırır.

"Sizinxeber.az"un məlumatına görə, bu barədə Nümayəndələr Palatasının üzvü Anna Paulina Luna (Florida ştatından respublikaçı) bildirib.

Onun sözlərinə görə, söhbət uçan naməlum obyektlər və ya yerdənkənar sivilizasiyalar haqqında məlumatların yayılması üçün gizli məlumatların açıqlanmaması haqqında qanunvericiliyi pozanlara cinayət təqibindən toxunulmazlığın verilməsi imkanından gedir.

"Biz uzun müddətdir, informasiya verənlərin qorunması və ya UNO məlumatlarının açıqlanması ilə bağlı qanunların qəbul olunmasını tələb edirik, lakin bu təşəbbüslər müxtəlif qurumlar tərəfindən dəfələrlə bloklanıb", - o deyib.

A. P. Luna qeyd edib ki, Donald Tramp administrasiyası bu məsələyə daha konstruktiv yanaşma nümayiş etdirib və Ağ Ev rəsmiləri ilə görüşmək planlarını açıqlayıb.

Onun sözlərinə görə, konqresmenlər məlumat verənlər üçün müvəqqəti və ya daimi toxunulmazlıq əldə etmək niyyətindədirlər.

Oxşar xəbərlər

Conson yenidən Konqresin Nümayəndələr Palatasının sədri seçilib

ABŞ Konqresinin nümayəndə heyəti Tayvanda səfərdədir

Uolts: Tramp Ukrayna məsələsində hazırkı administrasiya ilə işləyəcək

Pentaqon məxfi proqramları gizli saxlamaq üçün UNO haqqında dezinformasiya yayıb

Nümayəndələr Palatasının Demokrat lideri: ABŞ-də hakimiyyətin dəyişməsinə ehtiyac var