Hindistanın şimalında bayram tədbirində baş verən izdiham nəticəsində azı 40 nəfər həlak olub.

“Report” xəbər verir ki, bu barədə “Reuters” hüquq-mühafizə orqanlarındakı mənbələrə istinadən məlumat verib.

"Burada təxminən 40 meyit var. Biz onları bir-bir ailələrinə təhvil veririk", - mənbələrdən biri bildirib.

“Reuters” qeyd edib ki, Hindistanın rəsmi hakimiyyət orqanları hələ də ölənlərin dəqiq sayını açıqlamayıb.

Hindistanın Baş naziri Narendra Modi yaxınlarını itirənlərə başsağlığı verib.

Qeyd edək ki, Hindistanın şimalındakı Uttar-Pradeş ştatının Prayaqrac şəhərində Qanq və Yamuna çaylarının qovuşduğu yerdə keçirilən ən böyük Kumb-mela festivalında izdiham yaranıb. Festivalın xeyli ziyarətçisi xəsarət alıb. Onlar xəstəxanaya yerləşdirilib, bəzilərinin vəziyyəti ağırdır.

Oxşar xəbərlər

Hindistanda festivalda baş vermiş izdihamda azı 15 nəfər ölüb

Hindistanda dini məbəddəki izdihamda 6 nəfər ölüb

Hindistanda avtobus yük avtomobili ilə toqquşub, 15 nəfər ölüb

Hindistanda yol qəzasında iki nəfər həlak olub, 14 nəfər xəsarət alıb

Uttar-Pradeş ştatında rikşa və yük maşınının toqquşması nəticəsində 11 nəfər həlak olub