Hindistan təcavüzkar hərəkətləri ilə regionda sülh və sabitliyi təhdid edib və buna görə cavab verməlidir.

“Sizinxeber.az”un Pakistan Xarici İşlər Nazirliyinin mətbuat xidmətinə istinadən verdiyi məlumata görə, bunu qurumun rəhbəri İshaq Dar xarici ölkə səfirləri üçün keçirdiyi brifinqdə deyib.

Məlumata görə, nazir İslamabaddakı səfirlərə 2025-ci il mayın 6-dan 7-nə keçən gecə Hindistanın Pakistan və Azad Cammu və Kəşmirə endirdiyi zərbələr barədə məlumat verib.

“XİN başçısı Pakistanın suverenliyini pozmaqla yanaşı, həm də regional sülh və sabitliyə təhlükə yaradan Hindistan təcavüzünü qətiyyətlə pisləyib. O, Hindistanın hərəkətlərinin BMT Nizamnaməsini, beynəlxalq hüququ və dövlətlərarası münasibətləri tənzimləyən normaları kobud şəkildə pozduğunu vurğulayıb”, - press-relizdə deyilir.

Nazir Hindistan qüvvələrinin terrorçuların istifadə etdiyi infrastruktura zərbələr endirməsi ilə bağlı Yeni Dehlinin iddialarını rədd edib və Pakistanın Pahalqam hadisəsində iştirakına dair heç bir tutarlı dəlilin olmadığını söyləyib.

Dar qeyd edib ki, Hindistan rəhbərliyi terror olayından növbəti dəfə özünü qurban göstərmək üçün istifadə edib. O, Narendra Modi hökumətinin gərginliyin azaldılması və təmkinli davranışla bağlı çağırışlara məhəl qoymadığını söyləyib və beynəlxalq ictimaiyyəti Hindistanı məsuliyyətsiz və ehtiyatsız davranışına görə məsuliyyətə cəlb etməyə çağırıb.

Oxşar xəbərlər

KİV: Hindistan-Pakistan sərhədində yenidən atışma baş verib

Malayziya Yeni Dehli-İslamabad gərginliyi fonunda Pakistanı dəstəkləyib

KİV: Pakistanın cavabından şoka düşən Hindistan vasitəçilərlə gərginliyi azaltmağa çağırıb

Hindistan ordusu Kəşmirdə nəzarət xəttində ağ bayraq qaldırıb - FOTO

Hindistanın Pakistana endirdiyi raket zərbələri nəticəsində ölənlərin sayı artıb - YENİLƏNİB