Azərbaycan şirin su resurslarına dair getdikcə artan təzyiqlə üz-üzədir.

"Sizinxeber.az" xəbər verir ki, bunu "Azərbaycan Yaşıl Tikinti Şurası" (AzGBC) İctimai Birliyinin sədri Fuad Bağırov Bakıda keçirilən Ümumdünya Şəhərsalma Forumu (WUF13) çərçivəsində təşkil olunmuş "Dekarbonizasiya olunmuş, davamlı və yerli mənbəli evlərin çatdırılması" adlı tədbirdə bildirib.

Onun sözlərinə görə, çox vaxt qlobal dayanıqlılıq müzakirələri əsasən Qərbi Avropa və ya Şimali Amerikanın hazırladığı modellər əsasında formalaşır: "Bu modellər dəyərlidir. Onlar metodologiya, struktur, investor inamı və texniki meyarlar təqdim edirlər. Lakin onlar həm də çox spesifik tarixi, iqlim, infrastruktur və iqtisadi şəraitdə ortaya çıxıblar. Bizim regionun fərqli reallıqları var və bu, yaşıl sertifikatlaşdırma sistemini nəzərdən keçirərkən xüsusilə nəzərə çarpır".

Spiker əlavə edib ki, ölkələr çox fərqli ekoloji təzyiqlərlə üzləşirlər: "Bəzi iqtisadiyyatlar hələ də kömürdən çox asılıdır, digərləri enerji qıtlığı və qeyri-sabit elektrik infrastrukturu ilə mübarizə aparır. Bəzi bölgələrdə həddindən artıq istiləşmə üstünlük təşkil edir, digərləri isə - məsələn, Azərbaycan kimi - şirin su resurslarının getdikcə artan təzyiqi ilə üz-üzədir. Hətta qonşu ölkələrə, məsələn, Gürcüstana baxsaq, eyni tarixə və oxşar xüsusiyyətlərə malik iki qonşu ölkədə dözümlülük və dayanıqlı inkişafa tamamilə fərqli yanaşmalarımız var. Çünki Gürcüstanın bol şirin su ehtiyatı var, Azərbaycan isə enerji resursları ilə zəngindir, lakin şirin su qıtlığından ciddi əziyyət çəkir".

AzGBC ölkədə ekoloji cəhətdən dayanıqlı, enerji və su səmərəliliyinə əsaslanan "yaşıl bina" standartlarının və təcrübələrinin tətbiqini təşviq etmək məqsədilə 2013-cü ildə təsis edilmiş qeyri-hökumət təşkilatıdır.

Oxşar xəbərlər

Şura sədri: Azərbaycanın enerji resursları zəngin olsa da, şirin su ehtiyatları məhduddur

EIB: İnzibati prosedurların sadələşdirilməsi mənzil böhranının həllini sürətləndirəcək

Fransalı mütəxəssis: "Davamlı tikinti sahəsində əsas problem tətbiq mexanizmləridir"

Ombretta Tempra: "Bina enerji kodlarının tətbiqi dekarbonizasiyanı sürətləndirir"

Bakıda SPECA Şəhərlər Forumu fəaliyyətə başlayıb