Malayziyanın xarici işlər naziri Dato Seri Məhəmməd Həsən Hindistan və Pakistan arasındakı gərginlik fonunda pakistanlı həmkarı Məhəmməd İshaq Dar ilə telefon danışığında İslamabadın mövqeyini dəstəkləyib.

“Sizinxeber.az”un məlumatına görə, bu barədə Pakistan Xarici İşlər Nazirliyinin bəyanatında deyilir.

İshaq Dar həmsöhbətini regionda baş verən hazırkı hadisələr haqqında məlumatlandırıb və Hindistanın təxribat xarakterli hərəkətlərini, o cümlədən onun əsassız iddialarını, qızışdırıcı təbliğatını və Hind suları müqaviləsini dayandırmaq üçün birtərəfli qərarını qətiyyətlə rədd edib.

Nazir bildirib ki, Hindistanın birtərəfli qərarı müqavilənin müddəalarının və beynəlxalq hüquqi öhdəliklərin bilavasitə pozulmasıdır.

Pakistanlı nazir ölkəsinin suverenliyini və milli maraqlarını müdafiə etmək hüququnu özündə saxlamaqla, regional sülh və təhlükəsizliyə sadiqliyini vurğulayıb.

Malayziyanın xarici işlər naziri Pakistanın mövqeyini dəstəkləyib və bütün tərəfləri təmkinli olmağa çağırıb. Xarici işlər nazirləri yaranan vəziyyətlə bağlı sıx əlaqə saxlamağa razılaşıblar.

Oxşar xəbərlər

Pakistan XİN rəhbəri çinli həmkarı ilə danışığında Hindistanın qanunsuz hərəkətlərini rədd edib [xfgiven_updateblue][/xfgiven_updateblue]

Rusiya XİN Hindistan və Pakistanı dialoqa çağırıb [xfgiven_updateblue][/xfgiven_updateblue]

Pakistan Baş nazirinin müavini Kabildə rəsmi səfərdədir [xfgiven_updateblue][/xfgiven_updateblue]

Hindistan Pakistan istiqamətində Hind çayının axınını bloklayıb [xfgiven_updateblue][/xfgiven_updateblue]

Azərbaycan və Pakistan XİN başçıları regional təhlükəsizlik məsələlərini müzakirə ediblər [xfgiven_updateblue][/xfgiven_updateblue]