Polşa-Belarus sərhədi boyunca elektron maneənin və ya videomüşahidə sisteminin modernləşdirilməsi başa çatıb.

“Sizinxeber.az”un xəbərinə görə, bu barədə Polşa Daxili İşlər Nazirliyi məlumat yayıb.

Qeyd olunub ki, sərhədin 206 km-lik hissəsində işlər aparılıb, hasarın kənar tərəfinə nəzarət etmək üçün əlavə kamera xətti quraşdırılıb, işıqlandırma yaxşılaşdırılıb.

İşin dəyəri 125 milyon zloti (32,5 milyon ABŞ dolları) təşkil edib.

Xatırladaq ki, 2022-ci ildə Polşa hakimiyyəti sərhədi 180 km uzunluğunda 5,5 m hündürlüyündə metal maneə ilə örtüb. Divarın üstü tikanlı məftillə örtülüb. Bütün sərhəd boyunca hərəkət sensorları və bütün hava şəraitinə uyğun video kameraları olan postlar var.

2024-cü ildə bu maneənin təkmilləşdirilməsi üzrə işlərə başlanılıb. Polşanın şərq sərhədini hazırda 6000 əsgər, həmçinin 1500 sərhədçi və polis əməkdaşı qoruyur.

Oxşar xəbərlər

Polşa Belarusla sərhəddə istehkam qurğuları inşa edəcək

Polşa Rusiya və Belarusla sərhədini qorumaq üçün Aİ-dən 52 milyon avro alacaq

Polşa avqustdan şərq sərhədlərində hava hücumundan müdafiəni gücləndirir

Polşa Rusiya və Belarusla sərhədi minalayacaq

Polşa şərq sərhədində mina sahələri yaradacaq