Pakistan hərbçiləri Əfqanıstanla sərhəd rayonlarında "Fitnə əl-Həvaric" qruplaşmasının yaraqlılarına hücum edib.

"Report"un məlumatına görə, bu barədə Pakistanın informasiya naziri Əttaulla Tarar "X" hesabında bildirib.

Onun sözlərinə görə, əməliyyat nəticəsində 26 yaraqlı öldürülüb.

"Etibarlı kəşfiyyat məlumatları əsasında düşərgələrə və sığınacaqlara zərbələr endirilib. Dörd obyekt, o cümədən təlim mərkəzi, sığınacaq, sursat anbarı, eləcə də "Fitnə əl-Həvaric" qruplaşmasının komandirləri ilə əlaqəli mərkəzlər tamamilə məhv edilib", - o yazıb.

Nazir həmçinin qeyd edib ki, Pakistan həmişə regionda sülh və sabitliyin qorunmasına çalışır, lakin ölkə vətəndaşlarının təhlükəsizliyi və müdafiəsi əsas prioritet olaraq qalır.

"Terrorun kökünü kəsmək məqsədilə yaraqlılara qarşı antiterror kampaniyası tam gücü ilə davam etdiriləcək", - Tarar bəyan edib.

Oxşar xəbərlər

Pakistan Əfqanıstandakı hədəflərə zərbə endirdi

Pakistan Əfqanıstanın Qəndəhar şəhərindəki terror düşərgələrinə zərbələr endirib

Pakistan Qəndəhardakı terrorçuların düşərgələrinə zərbələr endirib

Pakistan Əfqanıstanla sərhəddə 26 terrorçunu zərərsizləşdirib

Pakistanın Silahlı Qüvvələri iki günlük əməliyyatda 13 yaraqlını zərərsizləşdirib