Türkiyə və Özbəkistan yaxın gələcəkdə ticarət dövriyyəsini 5 milyard ABŞ dollarına çatdırmağı planlaşdırır.

“Sizinxeber.az” xəbər veri ki, bu barədə Türkiyənin ticarət naziri Ömer Bolat Ankarada özbək həmkarı Ləziz Kudratovla danışıqlardan sonra bildirib.

"Türkiyə və Özbəkistan arasında ikitərəfli ticarətin həcmini iki ölkə prezidentlərinin müəyyən etdiyi konsepsiya çərçivəsində 5 milyard dollara çatdırmaqda qətiyyətli olduğumuzu vurğuladıq. Bu hədəf çərçivəsində ikitərəfli Preferensial Ticarət Sazişinin əhatə dairəsinin genişləndirilməsi və əməkdaşlıq sahələrinin şaxələndirilməsi üzrə işləri davam etdirməyi planlaşdırırıq", - Ö.Bolat "X" sosial şəbəkəsində yazıb.

O, həmçinin vurğulayıb ki, Türkiyə Özbəkistanın Ümumdünya Ticarət Təşkilatına (ÜTT) tamhüquqlu üzvlüyünü dəstəkləməyə və Birgə İqtisadi Komissiyanın fəaliyyət planı çərçivəsində əməkdaşlıq sahələrini genişləndirməyə davam edəcək.

Xatırladaq ki, bu gün Ankarada Azərbaycan, Türkiyə və Özbəkistanın xarici işlər, iqtisadiyyat/ticarət və nəqliyyat nazirlərinin 2-ci üçtərəfli görüşü keçiriləcək.

Oxşar xəbərlər

Özbəkistan və Türkiyə 10 milyard dollarlıq yeni investisiya layihələri formalaşdırıb [xfgiven_updateblue][/xfgiven_updateblue]

Türkiyə səfiri: Azərbaycanla ticarət dövriyyəsini 15 milyard dollara çatdırmaqda qərarlıyıq [xfgiven_updateblue][/xfgiven_updateblue]

Türkiyə şirkətləri işğaldan azad edilmiş ərazilərdə 2 milyard dollarlıq iş görüb [xfgiven_updateblue][/xfgiven_updateblue]

Türkiyə ilə İran arasında 10 anlaşma müqaviləsi imzalanacaq [xfgiven_updateblue][/xfgiven_updateblue]

Türkiyənin ticarət naziri Azərbaycana səfərə gəlir [xfgiven_updateblue][/xfgiven_updateblue]