Böyük Britaniya və İrlandiyada tüğyan edən "Eovin" fırtınası səbəbindən dəmir yolu və hava nəqliyyatında fasilələr müşahidə olunur.

“Report” xəbər verir ki, bu barədə “Sky News” telekanalı məlumat yayıb.

Belə ki, Qlazqo, Edinburq və Dublin hava limanlarında yüzlərlə reys ləğv edilib, Şotlandiya və Şimali İrlandiyada qatarların hərəkəti dayandırılıb.

"Gün ərzində aviareyslərin ləğv edilməsi və gecikmələr mümkündür", - Dublin hava limanının saytında bildirilir.

İrlandiyada elektrik xətlərinin qırılması səbəbindən 600 minə yaxın yaşayış evi, ferma və ofis binası elektrik enerjisiz qalıb.

Meteoroloqlar küləyin sürətinin saatda 160 kilometrə çatacağını proqnozlaşdırır.

Oxşar xəbərlər

Almaniyanın ən böyük hava limanında pis hava şəraitinə görə 120 reys təxirə salınıb

İrlandiyada seçkilərin nəticələrinin hesablanması başlayıb

Konfrans Liqası: "Sabah" İrlandiyada məğlub olub

İrlandiyada növbədənkənar ümumi seçkilər keçiriləcək