İsrail və Almaniyanın müdafiə nazirlikləri 2025-ci ildə “Arrow 3” raketdən müdafiə sistemi ilə bağlı birgə hazırlıqları müzakirə ediblər.

"Report" xəbər verir ki, bu barədə İsrail Müdafiə Nazirliyinin mətbuat xidməti məlumat yayıb.

Məsələ ilə bağlı ikigünlük danışıqlar İsraildə baş tutub.

Qeyd edilir ki, İsrailin Almaniyaya "Arrow 3" raketdən müdafiə sistemini yerləşdirməsi qərarı, iki ölkə arasındakı müdafiə sahəsindəki əməkdaşlıqda vacib addımdır. Bu addım, xüsusilə Rusiya-Ukrayna münaqişəsi fonunda, Avropada təhlükəsizlik tədbirlərinin gücləndirilməsinə istiqamətlənib.

Xatırladaq ki, Almaniya və İsrail 2023-cü ilin sentyabrında Berlində “Arrow 3” sisteminin alınmasına dair razılığa gəliblər. Dəyəri təxminən 3,6 milyard dollar olan müvafiq sazişin imzalanma mərasimi həmin ilin noyabrında Təl-Əvivdə baş tutub. Razılaşmaya görə, ilk “Arrow 3” 2025-ci ilin sonuna qədər Almaniya Müdafiə Nazirliyinə təhvil verilməlidir.

Oxşar xəbərlər

İsrail ABŞ-dən ikinci THAAD raketdən müdafiə sistemi istəyir

KİV: İran İsrail hərbi bazasına zərbələr endirib, 20 ədəd təyyarə vurulub

İran KİV: İsrail hərbi bazasına zərbələr endirilib, 20 ədəd təyyarə vurulub

ABŞ-nin THAAD raketdən müdafiə sistemləri İsraildə yerləşdirilib

Polşa və ABŞ “Patriot” üçün 48 buraxılış qurğusunun istehsalına dair müqavilə imzalayıb