Avropa Komissiyasının sədri Ursula fon der Lyayen və NATO-nun Baş katibi Mark Rutte “X” sosial şəbəkə hesablarında ABŞ Prezidenti, Ukrayna Prezidenti və bir sıra Avropa liderləri ilə birgə telefon danışığı apardıqlarını açıqlayıblar.

Bu barədə “Report” onların “X”dəki paylaşımlarına istinadən xəbər verir.

Fon der Lyayenin sözlərinə görə, tərəflər Alyaskada keçiriləcək ikitərəfli görüşü müzakirə edib və Ukrayna ilə bağlı Avropa, ABŞ və NATO-nun ümumi mövqeyinin gücləndirilməsini təsdiqləyiblər.

“Biz sıx koordinasiyanı davam etdirəcəyik. Heç kim sülhü bizdən daha çox istəmir - ədalətli və davamlı sülhü”, - o əlavə edib.

Mark Rutte isə qeyd edib ki, müttəfiqlər Ukraynaya qarşı müharibəni dayandırmaq və ədalətli və davamlı sülhə nail olmaq istəyində yekdildirlər. “Trampa liderliyinə və tərəfdaşlarla qarşılıqlı fəaliyyətinə görə minnətdarıq. Top indi Putindədir”, - o bildirib.

Oxşar xəbərlər

Rutte və Tusk Trampla Ukrayna üzrə danışıqlara qatılacaq

Mark Rutte Ukraynaya planlaşdırılmamış səfər edib

Fidan Rutte ilə Rusiya-Ukrayna münaqişəsinin həllini müzakirə edib

Tramp Zelenskiyə və Avropa liderlərinə zəng edib

Rutte Ukrayna üçün imkanlar pəncərəsindən danışıb