ABŞ-nin Vaşinqton ştatında Lonqvyu şəhərindəki Nippon Dynawave Packaging müəssisəsində kimyəvi maddənin olduğu çənin partlaması nəticəsində ölənlərin sayı 11 nəfərə çatıb.

"Sizinxeber.az" "Reuters" agentliyinə istinadən xəbər verir ki, xilasetmə qüvvələri itkin düşmüş hesab edilən doqquz nəfərin hamısının meyitini aşkar edib.

Qəza mayın 26-da sellüloz-kağız zavodunda baş verib. Çəndə təxminən 900 min qallon və ya 3,4 milyon litr "ağ qələvi" adlanan kağız kütləsinin istehsalında istifadə olunan natrium hidroksid və natrium sulfid məhlulu olub.

Yerli hakimiyyət orqanlarının məlumatına görə, çirkləndirici maddələrin bir hissəsi Kolumbiya çayına düşüb. Bununla belə, Lonqvyu şəhərində hava və içməli suyun keyfiyyətinə mənfi təsir hələlik aşkar edilməyib.

Xatırladaq ki, "Nippon Dynawave Packaging" Yaponiyanın "Nippon Paper Industries" şirkətinin törəmə strukturudur.

Oxşar xəbərlər

ABŞ-də kağız fabrikində partlayış baş verib, ölən və yaralananlar var

ABŞ-da kağız fabrikində baş verən qəzada ölənlərin sayı 11 nəfərə çatıb

ABŞ-də kimyəvi çənin partlayışından sonra Kolumbiya çayında çirkləndirici maddələr aşkarlanıb

Hindistanda partlayışdan sonra ölənlərin sayı 13 nəfərə çatıb - YENİLƏNİB

Hindistanda kimyəvi zavodda baş verən partlayışda 34 nəfər ölüb