NATO-nun Baş katibi Mark Rutte aprelin 15-də planlaşdırılmamış səfərlə Ukraynaya gedib.

“Report” “RBK-Ukrayna”ya istinadən xəbər verir ki, bu barədə Ukrayna Prezidenti Volodimir Zelenski və Ruttenin özü sosial şəbəkələrdə bildiriblər.

Rutte qeyd edib ki, Zelenski ilə birlikdə Odessa şəhərinə səfər edib.

“Ukrayna xalqı çox şey yaşayıb. NATO-nun dəstəyi sarsılmazdır. Biz Ukraynaya kömək etməyə davam edəcəyik ki, bu gün özünü müdafiə edə və gələcək təcavüzün qarşısını ala bilsin, ədalətli və davamlı sülhü təmin etsin”, - o tviterdə yazıb.

Eyni zamanda, Zelenski NATO Baş katibi ilə birlikdə ukraynalı hərbçilərin yaralandıqdan sonra bərpa prosesi keçdiyi xəstəxanaya baş çəkdiyi videonu paylaşıb.

“Hərbi həkimləri də mükafatlandırdım. Onlar nəinki hər gün xəstəxanada əsgərlərimizə kömək edir, həm də Xerson, Xarkov və Nikolayev vilayətlərində atəş altında insanların həyatını xilas ediblər”, - Zelenski yazıb.

Oxşar xəbərlər

NATO Baş katibi Odessada Zelenski ilə görüşüb

Rutte NATO-nun Ukrayna üzrə komandanlığının işə başladığını açıqlayıb

NATO Baş katibi Zelenski ilə görüşüb

Mark Rutte NATO-nun baş katibi vəzifəsinin icrasına başlayıb

Baş katib: NATO ölkələri Ukraynaya hərbi dəstəyi davam etdirməlidir