Minifutbol üzrə Azərbaycan millisi Slovakiyada keçirilən Avropa çempionatında hər oyuna qələbə qazanmaq üçün çıxır.

Bu barədə komandanın üzvü Rəvan Kərimov "Report"un Bratislavaya ezam olunan əməkdaşına açıqlamasında deyib.

O, III tur çərçivəsində bu gün Fransaya qarşı keçirəcəkləri qarşılaşmaya toxunub:

"Bu matçda da qalib gəlmək istəyirik. Ümumiyyətlə, hər oyuna qələbə üçün çıxırıq. Turnirdə çempionluğu hədəfləyirik".

R.Kərimov II turda İtaliyanı 3 cavabsız qolla üstələdikləri oyuna da toxunub:

"İkinci turun matçı bəzi futbolçuların bu arenada ilk oyunu idi. Meydançaya uyğunlaşmamışdıq. İtaliya yığması çox müdafiə olunan komandadır. Bu səbəbdən çətin oldu. Oyunumuz istədiyimiz kimi alındı. Qolları vaxtında vurduq və qalib gəldik. Şükürlər olsun ki, zədə yoxdur. Meydança amilinə görə bəzi zərbələrimiz alınmırdı".

Xatırladaq ki, Azərbaycan - Fransa matçı bu gün, Bakı vaxtı ilə saat 15:15-də start götürəcək. İlk oyunda Avstriyanı (1:0), daha sonra İtaliyanı (3:0) məğlub edən Azərbaycan millisi pley-offa vəsiqəni təmin edib. Turnirə iyunun 4-də yekun vurulacaq. Komandamız hazırda F qrupunda 6 xalla liderdir. Fransanın 4, İtaliyanın 1 xalı var. Hər iki matçda uduzan Avstriyanın xalı yoxdur.

Oxşar xəbərlər

Azərbaycan millisinin baş məşqçisi: "Hər oyuna qələbə üçün çıxırıq"

Azərbaycan millisinin üzvü Mirmehdi Rzayev: "İtaliya ilə matçda mütləq qələbə qazanmalıyıq"

"Lənkəran"ın kapitanı: "Hər oyuna qələbə üçün çıxırıq"

Ruzigar İbrahimzadə: "Avropa çempionatında birinci yeri tutmaq üçün əlimizdən gələni edəcəyik"

Fernandu Santuş: "Hər oyuna qələbə istəyi ilə çıxırıq"