Cənubi Koreya hökuməti Şimali Koreya ilə sərhəd boyunca yerləşdirilmiş səsucaldanların sökülməsinə başlayıb.

“Sizinxeber.az” “Arab News”a istinadən xəbər verir ki, bu barədə Cənubi Koreyanın Müdafiə Nazirliyinin nümayəndəsi bildirib.

"Bu gündən etibarən ordu səsucaldanların sökülməsinə başlayıb. Bu, gərginliyin azaldılmasına yönəlmiş tədbirdir və silahlı qüvvələrin döyüş hazırlığını təhlükə altına qoymur", - o qeyd edib.

Əvvəllər bu qurğular vasitəsilə Şimali Koreya ərazisinə pop musiqisi (xüsusilə K-pop) və xəbər bülletenləri yayımlanırdı. Lakin Cənubi Koreyanın yeni Prezidenti Li Çje Men belə yayımların dayandırılması və etimadın bərpası istiqamətində addım atılması barədə göstəriş verib.

İyun ayında Cənubi Koreya hərbçiləri yayımın dayandırıldığını elan ediblər. Növbəti gün Şimali Koreya da səsucaldanları söndürüb.

Rəsmilərin sözlərinə görə, bütün səsucaldanlar həftə sonuna qədər sökülərək yığışdırılacaq, lakin onların dəqiq sayı açıqlanmır.

Oxşar xəbərlər

Cənubi Koreya Şimali Koreya ilə sərhəddə yerləşdirdiyi səsgücləndiriciləri söndürəcək

Cənubi Koreya lideri Şimali Koreya ilə münasibətlərin yaxşılaşdırılması təklifi ilə çıxış edib

Cənubi Koreya kəşfiyyatı Rusiya-Ukrayna müharibəsində ölən Şimali Koreya əsgərlərinin sayını açıqlayıb

Cənubi Koreya Şimali Koreya ilə Rusiya arasında hərbi əməkdaşlığa görə şəxs və qurumlara sanksiya tətbiq edib