ABŞ Prezidenti Donald Tramp Amerika Silahlı Qüvvələrinin onun əmri ilə əməliyyat keçirdiyini, "Tren de Aragua" cinayətkar qruplaşması liderinin zərərsizləşdirdiyini açıqlayıb.

"Report"un məlumatına görə, o, bunu "Truth Social" sosial media platformasında yazıb.

Trampın sözlərinə görə, zərbə ABŞ Silahlı Qüvvələrinin Cənub Komandanlığı tərəfindən Venesuela tərəfi ilə koordinasiyalı şəkildə həyata keçirilib.

"Mənim göstərişimlə ABŞ Silahlı Qüvvələrinin Cənub Komandanlığı ildırımsürətli zərbə endirərək, "Tren de Aragua" qruplaşmasının bədnam lideri Nino Herreronu uğurla zərərsizləşdirib", - o bildirib.

Amerika lideri qeyd edib ki, əməliyyat ABŞ-nin yaxşı əməkdaşlıq etdiyi Venesueladakı tərəfdaşları ilə sıx koordinasiyalı şəkildə həyata keçirilib. O, həmçinin xatırladıb ki, ABŞ əvvəllər qruplaşmanı terror təşkilatı siyahısına salıb.

Oxşar xəbərlər

ABŞ Karib dənizində narkotik ticarətçilərinin gəmisinə zərbə endirib, ölənlər var

ABŞ Sakit okeanda narkotik daşıyan daha bir gəmiyə zərbə endirib

ABŞ və Kuba hərbi komandanlığı əməliyyat təhlükəsizliyini müzakirə ediblər

ABŞ Sakit okeanda narkotik daşıyan gəmiyə zərbə endirib

ABŞ Ordusunun Mərkəzi Komandanlığı Suriyada İŞİD-ə qarşı zərbələri təsdiqləyib