Ukraynadakı hərbi əməliyyatlarda iştirak etmək üçün Rusiyaya göndərilmiş Şimali Koreya əsgərlərindən azı 100-ü ölüb, 1 000-i yaralanıb.

“Report” “Yonhap”a istinadən xəbər verir ki, bu barədə Cənubi Koreyanın Milli Kəşfiyyat Xidməti (MKX) açıqlayıb.

Parlamentin Kəşfiyyat Komitəsinin qapalı brifinqində MKX nümayəndəsi bildirib ki, Rusiya hərbçiləri Şimali Koreya qüvvələrinin pilotsuz uçuş aparatları ilə cavab vermək imkanlarının olmadığından və əsasən ön xətdə hücum dəstələri kimi səfərbər edildiyindən şikayətlənirlər.

MKX-nin məlumatına görə, Kursk vilayətində yerləşdirilmiş təxminən 11 000 Şimali Koreya əsgərinin bir hissəsi yanvar və fevral aylarında real döyüş əməliyyatlarında iştirak etmək üçün səfərbər edilməyə başlayıb.

Oxşar xəbərlər

KİV: Rusiya Şimali Koreyanın Cənubi Koreya ilə müharibəsində kömək edəcək

Seul Şimali Koreya əsgərlərinin Rusiya tərəfdə döyüşə girdiyini açıqlayıb

Cənubi Koreya Şimali Koreyanın Rusiyaya qoşun göndərməsi ilə bağlı NATO və Aİ-nı məlumatlandıracaq

Cənubi Koreya Şimali Koreya ilə Rusiya arasında hərbi əməkdaşlığa görə şəxs və qurumlara sanksiya tətbiq edib

ABŞ administrasiyası: Pxenyan Kursk bölgəsində 8 min əsgər yerləşdirib