Nigeriyanın təhlükəsizlik qüvvələri xüsusi əməliyyat zamanı Borno ştatında yaraqlılar tərəfindən dağ sığınacağında saxlanılan 360 kişi, qadın və uşağı azad ediblər.

"Report" xəbər verir ki, bu barədə hərbçilərin məlumatlarına istinadən "Reuters" bildirib.

"Əsirlikdə olan iki uşaq taqətdən düşmə və ağır saxlanma şəraiti səbəbindən həlak olub", - onlar bildiriblər.

Məlumata görə, sakinlər ştatın cənub hissəsindəki Mandara dağlarının dərinliklərində "Boko Haram"ın əsas fraksiyası olan JAS qruplaşmasının üzvləri tərəfindən saxlanılırdılar. Onlar müəyyən müddət ərzində bu ərazidəki müxtəlif yaşayış məntəqələrindən qaçırılıblar.

Qeyd olunur ki, xilasetmə əməliyyatı tərkibinə xüsusi təyinatlıların da daxil olduğu və JAS yaraqlılarını qaçmağa məcbur edən birləşmiş əməliyyat qrupu tərəfindən həyata keçirilib.

Nigeriya hökuməti uzun illərdir ki, təhlükəsizlik təhdidləri, xüsusən də yerli dəstələr tərəfindən insanların kütləvi şəkildə qaçırılması, silahlı qruplaşmaların fəaliyyətinin genişlənməsi, maldarlar və əkinçilər arasındakı münaqişələrlə üzləşir.

Oxşar xəbərlər

Nigeriyada terrorçular 81 sakini qətlə yetirib

KİV: "Boko Haram" silahlıları Nigeriyada 20 balıqçını öldürüblər

Nigeriyada bazara endirilən aviazərbə nəticəsində azı 200 nəfər ölüb

Nigeriya Silahlı Qüvvələri ölkənin şimal-şərqində 34 yaraqlını məhv edib

“Boko Haram” silahlıları Nigeriyada 20 nəfəri qətlə yetiriblər