ABŞ prezidenti Donald Tramp Braziliyadan idxala əlavə 40%-lik tariflər tətbiq edən fərman imzalayıb, ümumi rüsum məbləğini 50%-ə çatdırıb.

"Report" xəbər verir ki, bu barədə Ağ Evin mətbuat xidmətindən bildirilib.

Qeyd olunur ki, tariflər Braziliya hökumətinin ABŞ-ın milli təhlükəsizliyinə, xarici siyasətinə və iqtisadiyyatına təhdid yaratdığı iddia edilən, həmçinin "Amerika şirkətlərinə, ABŞ vətəndaşlarının söz azadlığı hüquqlarına zərər vuran" hərəkətləri səbəbindən görülən tədbirlər çərçivəsində tətbiq edilir.

O da bildirilib ki, Braziliya hakimiyyəti, o cümlədən Ali Məhkəmənin hakimi Aleşandre de Moraeş vasitəsilə "Amerika şirkətlərinə və vətəndaşlarına qarşı siyasi motivli təqiblər, senzura və təzyiq siyasəti aparır".

Bundan əlavə, fərman hakim de Moraeş, onun müttəfiqləri və ailə üzvləri üçün viza məhdudiyyətlərini nəzərdə tutur.

Ağ Evdən vurğulayıblar ki, bu tədbirlər söz azadlığını, biznesi və ABŞ-ın milli maraqlarını qorumağa yönəlib.

Oxşar xəbərlər

KİV: ABŞ Aİ mallarına rüsum tətbiq etsə, birlik sərt cavab verəcək

ABŞ Braziliya mallarına 50 faiz rüsum tətbiq edəcək

Çin ABŞ-nin kənd təsərrüfatı məhsullarına rüsum tətbiq edə bilər

KİV: Tramp Trüdo ilə telefon danışığı aparıb

Braziliya prezidenti: Tramp özünü dünyanın imperatoru hesab etməməlidir