Türkiyənin Rize vilayətinin Çamlıhemşin rayonundakı Fırtına dərəsində itkin düşən şəxsin axtarışında iştirak edən Türkiyə Fəlakət və Fövqəladə Halların İdarə Olunması Agentliyinin (AFAD) qrupunu daşıyan qayığın qayaya çırpılaraq çevrilməsi nəticəsində 1 xilasedici həyatını itirib.

"Report" xəbər verir ki, bu barədə "TRTHaber" məlumat yayıb.

"Səhər saatlarında Fırtına dərəsində axtarış işlərinə başlayan qruplar Civelekoğlunun meyitinin yerini müəyyən ediblər. Meyitin olduğu əraziyə hərəkət edən və içərisində 5 əməkdaşın olduğu AFAD qayığı, qayaya çırpılaraq çevrilib", - məlumatda bildirilib və qeyd olunub ki, qrupların müdaxiləsi ilə sahilə çıxarılan 5 əməkdaşdan 1-i həyatını itirib, digərlərinin isə vəziyyəti yaxşıdır.

Bununla yanaşı, Volkan Civelekoğlunun meyiti də sudan çıxarılaraq Çamlıhemşin Rayon Dövlət Xəstəxanasının morquna yerləşdirilib.

Oxşar xəbərlər

Dağıstanda qayığın qayaya çırpılması nəticəsində bir nəfər ölüb

Kahramanmaraşda 4,4 maqnitudalı zəlzələ olub

Türkiyənin Ağrı vilayətində 4.3 maqnitudalı zəlzələ olub

Aralıq dənizində 4.8 maqnitudalı zəlzələ olub

İranın Qərbi Azərbaycan vilayətində 4,2 maqnitudalı zəlzələ olub