Kanadanın Baş naziri Mark Karni bu gün Yaxın Şərqdəki vəziyyəti müzakirə etmək üçün Nazirlər Kabinetinin virtual iclasını keçirəcək.

Bu barədə “Sizinxeber.az” xarici mediaya istinadən məlumat verir.

"Kanada hökuməti Fələstin dövlətinin tanınması və bunun müəyyən şərtlərlə müşayiət olunub-olunmayacağı məsələsini nəzərdən keçirir", - hökumətdəki mənbə bildirib.

Böyük Britaniyanın Baş naziri Kir Starmer çərşənbə axşamı qeyd edib ki, İsrailin Qəzza zolağında atəşkəsə razı olmayacağı, BMT-yə humanitar yardımın çatdırılmasına icazə verməyəcəyi və uzunmüddətli sülhə doğru digər addımlar atmayacağı təqdirdə Böyük Britaniya sentyabrda Fələstin dövlətini tanıyacaq.

Karninin ofisindən verilən məlumata görə, hər iki lider çərşənbə axşamı Qəzza zolağındakı humanitar böhranı və Böyük Britaniyanın Fələstin dövlətini tanıması ilə bağlı bəyanatını müzakirə ediblər.

Oxşar xəbərlər

Böyük Britaniya Fələstini tanıya bilər

İsrail Starmerin Fələstini tanımaq planlarına dair iddiasını rədd edib

Fransa Fələstin dövlətini rəsmən tanıyacaq

Böyük Britaniya, Fransa və Kanada Qəzzada əməliyyatın davam edəcəyi təqdirdə İsraili tədbirlərlə hədələyib

İsrail Qəzzada əməliyyatları davam etdirərsə, Britaniya Fələstin dövlətini tanıyacaq