ABŞ Ukraynaya əlavə silahlar, o cümlədən “Patriot” sistemləri üçün raketlər göndərəcək və bunun əvəzini Avropa İttifaqı ödəyəcək.

“Report” xəbər verir ki, bunu Amerika lideri Donald Tramp bildirib.

“Biz onlara müxtəlif növ müasir hərbi texnika göndərəcəyik. Bunu üçün bizə 100 faiz ödəniş olunacaq. Məsələ iyulun 14-də Vaşinqtonda NATO-nun baş katibi Mark Rütte ilə görüşdə müzakirə ediləcək”, - deyə o bildirib.

“Patriot” raketlərinin Kiyevə ötürülməsinin mümkünlüyü ilə bağlı sualı cavablandıran Tramp bildirib ki, onların sayı ilə bağlı hələ qərar verilməyib:

“Ancaq onlardan bəzilərini alacaqlar, çünki onların müdafiəyə ehtiyacı var. Amma Avropa Birliyi onların pulunu ödəyəcək. Bunun üçün heç nə ödəmirik, ancaq onları göndərəcəyik. Bizim üçün bu, sadəcə biznesdir və biz onlara “Patriot” göndərəcəyik”.

Tramp Rusiyaya qarşı yeni məhdudlaşdırıcı tədbirlərin hazırlanması ilə bağlı sualı cavablandırmaqdan yayınıb. Siyasətçi jurnalistlərə sadəcə olaraq deyib: “Sabah hər şeyi görəcəyik”.

Oxşar xəbərlər

Tramp: ABŞ-nin NATO müttəfiqləri Amerika silahlarının Ukrayna üçün əvəzini ödəyəcəklər

Tramp Ukraynaya “Patriot” raketlərinin göndəriləcəyini güman edir

Ukrayna tezliklə yeni "Patriot" HHM sistemləri alacaq

NYT: Kiyev Avropa və İsraildən əlavə “Patriot” HHM sistemləri ala bilər

Tramp Ukraynaya "Patriot"lar üçün raketlərin göndərilməsinin mümkünlüyünü etiraf edib