Azərbaycan və Tacikistan arasındakı siyasi dialoqun yüksək səviyyəsi işgüzar dairələrin arasında eyni dərəcədə fəal əməkdaşlıqla müşayiət olunmalıdır.

"Sizinxeber.az" xəbər verir ki, bunu İqtisadiyyat Nazirliyi tabeliyindəki yanında Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Bakıda keçirilən Azərbaycan-Tacikistan Biznes Forumunda bildirib.

Onun sözlərinə görə, bugünkü forumun əsas məqsədi sahibkarlara və şirkətlərə lazımi tərəfdaşları tapmağa, real aktual layihələri müzakirə etməyə və uzunmüddətli əməkdaşlıq üçün möhkəm təməl qoymağa kömək etməkdən ibarətdir: "Azərbaycanın işğaldan azad edilmiş əraziləri xüsusi imkanlar açır. Burada prioritet istiqamətlər tikinti, turizm, kənd təsərrüfatı, nəqliyyat, logistika və emaldır. İnvestorlar arasında tacik biznesinin nümayəndələrini də görməkdən məmnun olarıq".

O, əməkdaşlığın perspektiv istiqamətləri arasında xüsusilə nəqliyyat və tranziti, o cümlədən Orta Dəhlizin imkanlarından istifadəni, həmçinin aqrosənaye kompleksini, yeyinti sənayesini, yüngül sənayeni, ticarəti, turizmi və yaşıl iqtisadiyyatı qeyd edib: "Razılaşmalar və səylərimizin konkret nəticə verməsi üçün sahibkarların sorğularını, müxtəlif sərgilər, forumlar və investisiya imkanları haqqında məlumatları mübadilə etməyi, həmçinin sahəvi B2B görüşlər keçirməyi vacib hesab edirəm. Tacik tərəfindən konkret sorğular olduğu halda KOBİA Azərbaycanda profil tərəfdaşların seçilməsinə fəal kömək etməyə də hazırdır".

O. Məmmədov Azərbaycanda tacik biznesinə, həm də bu gün Tacikistan bazarına çıxmaqda maraqlı olan Azərbaycan şirkətlərinə yardım etməyə hazır olduqlarını qeyd edib".

Oxşar xəbərlər

Orxan Məmmədov: “Azərbaycan və Qətər arasında iqtisadi və biznes əlaqələrinin inkişafı üçün yeni bir mərhələ açılır”

Orxan Məmmədov: "Azərbaycan regional halal sənaye üçün potensial bir mərkəzə çevrilə bilər"

Azərbaycan-Vyetnam Birgə Biznes Şurası yaradılır - YENİLƏNİB

3 700-dən çox xarici investor Qarabağ və Şərqi Zəngəzura sərmayə qoymaq üçün müraciət edib

Orxan Məmmədov: "Azərbaycan-Özbəkistan dialoqu real nəticələr verməkdədir"