Makron: Avropa heç vaxt Ukraynanı tək qoymayacaq

Fransa Prezidenti Emmanuel Makron Böyük Britaniyaya səfəri zamanı Avropanın Ukraynaya dəstəyinə dair yeni açıqlama verib.

Sizinxeber.az xəbər verir ki, bu barədə "The Guardian yazıb".

Makronun sözlərinə görə, Avropa ölkələri Rusiyaya qarşı mübarizədə Kiyevə dəstəyini davam etdirəcək.

“Avropalılar Ukraynanı heç vaxt tək qoymayacaq, heç vaxt,” – deyə Fransa lideri Britaniya parlamentindəki çıxışı zamanı bildirib.

Makron vurğulayıb ki, Ukrayna Rusiya tərəfindən qanunsuz şəkildə hücuma məruz qalıb. O, həmçinin Böyük Britaniyanı Ukraynanın ən yaxın müttəfiqlərindən biri kimi, Rusiyanın genişmiqyaslı işğalından əvvəl göstərdiyi dəstəyə görə tərif edib.