Fransa Prezidenti Emmanuel Makron və İran Prezidenti Məsud Pezeşkiyan arasında telefon danışığı baş tutub.

APA xəbər verir ki, bu barədə Fransa dövlət başçısı məlumat yayıb.

Makronun sözlərinə görə, onun ilk tələbi artıq üç ildən çoxdur İranda saxlanılan fransız vətəndaşları Sесil Koller və Jak Parinin dərhal azadlığa buraxılması olub.

Fransa lideri həmçinin bölgədəki təhlükəli gərginliyə toxunaraq İran hakimiyyətindən ölkəsinin regiondakı və İrandakı obyektlərinə və vətəndaşlarına qarşı hücumların yolverilməz olduğunu açıq şəkildə bildirib.

Prezident Emmanuel Makron İranın nüvə proqramı ilə bağlı vəziyyətin son dərəcə ciddi olduğunu vurğulayaraq, bu problemin yalnız danışıqlar yolu ilə həll edilə biləcəyini qeyd edib.

“Prezident Pezeşkiyanı mümkün qədər tez danışıqlar masasına qayıtmağa dəvət etdim. Bu, gərginliyin azaldılması üçün yeganə çıxış yoludur. Fransa bu məqsədə nail olmaq üçün bütün səylərini göstərməyə hazırdır”, – deyə Fransa lideri bəyan edib.

Oxşar xəbərlər

Makron: Ukrayna probleminin tez və asan həlli yoxdur

Makron İsveçə səfər edəcək

Makron Putinin gələn il Fransaya dəvət oluna biləcəyini açıqlayıb

Makron və Netanyahu arasında telefon danışığı olub

Pezeşkian: Qərb ölkələri İsrailə dəstəyi dayandırmalıdır