Makron: Aİ kosmosda müdafiə sahəsində güclənməlidir

Avropa kosmik sənayeyə investisiyaları artırmalı və kosmosda müdafiə sahəsində daha güclü mövqe tutmalıdır.

APA xəbər verir ki, bu barədə Fransa Prezidenti Emmanuel Makron Paris yaxınlığında Le Burje şəhərində keçirilən beynəlxalq aviasalon zamanı çıxışında bildirib.

Onun sözlərinə görə, Rusiya Avropa üçün ekzistensial təhlükəsinə çevrilib və bu, təhlükəsizlik yanaşmalarının yenidən nəzərdən keçirilməsini zəruri edir.

“Bu o deməkdir ki, biz kosmosa investisiyaları artırmalı və kosmik müdafiə sahəsində daha çevik və qətiyyətli addımlar atmalıyıq,” – deyə Fransa lideri əlavə edib.