Yaponiyanın Baş naziri Fumio Kişida Qazaxıstan, Özbəkistan və Monqolustana planlaşdırılan dörd günlük səfərini ləğv edib.

APA Kyodo agentliyinə istinadən xəbər verir ki, bu barədə Baş nazir Kişida mətbuat konfransında deyib.

O bildirib ki, potensial zəlzələ ilə bağlı "hökumətin cavab reaksiyasına və məlumatların yayılmasına diqqət yetirmək" üçün xarici səfərini ləğv edib.

"Ölkənin böhran idarəçiliyinə cavabdeh olan yüksək vəzifəli şəxs olaraq, əlavə bir tədbir olaraq, ən azı bir həftə Yaponiyada qalmalıyam", Kişida əlavə edib.

O, cümə günü axşam Qazaxıstanın paytaxtı Astanada Mərkəzi Asiya dövlətləri - Qazaxıstan, Qırğızıstan, Tacikistan, Türkmənistan, Özbəkistan, və Yaponiyanın birgə ilk sammitdə iştirak etməli və birgə bəyannamə qəbul etməli idi.

Bazar ertəsi isə onun Monqolustanın paytaxtı Ulan-Batorda ölkə prezidenti Uxnaa Khurelsukh və baş nazir Luvsannamsrai Oyun-Erdene ilə görüşü nəzərdə tutulurdu.

Xatırladaq ki, Yaponiya Meteorologiya Agentliyi cümə axşamı ölkənin cənub-qərbində baş verən 7,1 bal gücündə zəlzələdən sonra Nankai çökəkliyi ətrafındakı ərazilərdə zəlzələ ehtimalı barədə xəbərdarlıq edib.

Oxşar xəbərlər

Kişida Yaponiyadakı zəlzələ təhlükəsi səbəbindən Qazaxıstan və Özbəkistana səfərini təxirə salıb [xfgiven_updateblue][/xfgiven_updateblue]

Yaponiyada 7,1 bal gücündə zəlzələ olub, sunami xəbərdarlığı edilib [xfgiven_updateblue][/xfgiven_updateblue]

Kişida Naqasaki və Xirosima qurbanlarını anma mərasimində ABŞ-ın atom bombası atması faktına toxunmayıb [xfgiven_updateblue][/xfgiven_updateblue]

Borrell Qazaxıstan və Qırğızıstana səfər edəcək [xfgiven_updateblue][/xfgiven_updateblue]

Ukrayna Çinin XİN başçısını Kiyevə dəvət edib [xfgiven_updateblue][/xfgiven_updateblue]