Ermənistanın Konstitusiya Məhkəməsi 7 iyun tarixində keçirilmiş parlament seçkilərinin nəticələrinin ləğvi barədə yeddi partiya və blokun iddialarına iyunun 26-da baxacaq.

"Report" xəbər verir ki, bu barədə məhkəmənin "Facebook" səhifəsində məlumat paylaşılıb.

Məlumata görə, səsvermənin nəticələrini "Güclü Ermənistan" bloku, "Birlik qanadları" Partiyası, "Demokratiya, qanun, nizam-intizam" Partiyası, "Çiçəklənən Ermənistan" Partiyası, "Respublika naminə" Partiyası, "Ermənistan" bloku və "Yeni güc" Partiyası mübahisələndirmək niyyətindədir.

Məhkəməsdən qeyd edilib ki, göstərilən işlər eyni məsələyə aid olduğu üçün onlar birləşdirilib və iyunun 26-da eyni iclasda onlara baxılacaq.

Xatırladaq ki, iyunun 14-də Mərkəzi Seçki Komissiyası seçkilərin yekun nəticələrini açıqlayıb və bu nəticələrə əsasən, "Vətəndaş müqaviləsi" səslərin 49,7456%-ni (64 mandat), "Güclü Ermənistan" - 23,2710%-ni (29 mandat), "Ermənistan" bloku isə 9,9231%-ni (12 mandat) qazanıb.

Oxşar xəbərlər

Ermənistanda MSK parlament seçkilərinin nəticələrini təsdiqləyib

Ermənistanın Mərkəzi Seçki Komissiyası parlament seçkilərinin yekun nəticələrini açıqlayıb

Paşinyan Ermənistanda yeni parlament seçkilərinin keçirilməsini istisna edib

"Güclü Ermənistan" partiyası seçki nəticələrinin ləğvi üçün Konstitusiya Məhkəməsinə müraciət edib

Ermənistanda 4 müxalifət bloku seçkilərin nəticələrinin ləğvi ilə bağlı məhkəməyə müraciət edib - YENİLƏNİB