İranla imzalanacaq memorandumun müddəalarının tam və vicdanla yerinə yetirilməsinə, xüsusən də bütün cəbhələrdə müharibənin dayandırılması hissəsinə görə məsuliyyət Amerika Birləşmiş Ştatlarının (ABŞ) üzərinə düşür.

"Report" xəbər verir ki, bunu İranın xarici işlər naziri Abbas Əraqçi çinli həmkarı Van İ ilə telefon danışığında deyib.

A. Əraqçi İslamabad anlaşma memorandumunun detallarını çinli həmkarına ətraflı şəkildə çatdıraraq, Tehran və Pekinin bu sənəd sayəsində enerji və iqtisadiyyat sahələrində öz münasibətlərini inkişaf etdirə biləcəklərinə ümid etdiyini bildirib.

"Çinin xarici işlər naziri anlaşma memorandumunu alqışlayaraq, təzyiqlərə və təcavüzkar siyasətə qarşı göstərdiyi mətanətə görə İran hökumətinə və xalqına minnətdarlığını ifadə edib", - Əraqçinin "Telegram" kanalında yaydığı məlumatda bildirilib.

Van İ bu memorandumun müddəalarının dəqiq və tam şəkildə yerinə yetirilməsinin zəruriliyini vurğulayaraq, həmçinin Çinin onun icrasını asanlaşdırmaq, regional qarşılıqlı fəaliyyəti gücləndirmək və bölgə ölkələri arasında qeyri-müəyyənliklərin və mövcud çağırışların aradan qaldırılmasına kömək etmək üçün əməkdaşlığa hazır olduğunu bildirib.

Xatırladaq ki, iyunun 16-da "Al Arabiya" telekanalı ABŞ ilə İran arasında imzalanacaq memorandumun surətini bölüşüb və sənəddə hansı bəndlərin yer aldığını açıqlayıb.

Oxşar xəbərlər

Əraqçi: Livana hücumların dayandırılması memoranduma daxil edilib

Əraqçi: ABŞ ilə memorandumun pozulması yekun razılaşmanın iflasına səbəb olacaq

Əraqçi: Memorandumun bir tərəfində ABŞ və İsrail, digərində isə İran və "Hizbullah" dayanır

İran və Çinin XİN başçıları arasında telefon danışığı baş tutub

Fransa ABŞ və İran arasında sülhün əldə olunacağına ümid edir