İran və Oman Hörmüz boğazının idarə olunması üçün yeni mexanizmin hazırlanması istiqamətində danışıqlar aparır.

Sizinxeber.az-nın Tehran bürosunun xəbərinə görə, bu barədə İran Xarici İşlər Nazirliyinin sözçüsü İsmayıl Bəqai bugünkü brifinqdə bildirib.

Bəqainin sözlərinə görə, Hörmüz boğazı İran və Omanın ərazi sularında yerləşir və hər iki ölkə bütün dövlətlər üçün təhlükəsiz keçidin təmin edilməsinə məsuliyyət daşıyır.

İran XİN sözçüsü qeyd edib ki, bu proses davam edir və Tehran hazırda həmin məqsədi təmin edəcək mexanizmin hazırlanması üçün Oman və digər aidiyyəti tərəflərlə daimi təmasdadır.

O əlavə edib ki, ötən həftə Məsqətdə İran və Oman ekspertləri arasında görüş keçirilib və iki ölkə arasında bu istiqamətdə təmaslar və məsləhətləşmələr fasiləsiz davam edir.

Oxşar xəbərlər

Bəqai: İran və Oman tezliklə Hörmüz boğazında gəmiçiliklə bağlı yeni qaydaları müzakirə edəcək

Araqçi ilə Trampın xüsusi nümayəndəsi Oman görüşünə rəhbərlik edəcək

İran və ABŞ arasında danışıqlar başlayıb

ABŞ-İran danışıqlarının növbəti raundu Avropada keçiriləcək

İran-ABŞ danışıqları başa çatıb - YENİLƏNİB