Yaponiya Hörmüz boğazında çoxmillətli missiyaya hazırlıqlara həsr olunmuş müdafiə nazirlərinin onlayn görüşündə iştirak edəcək.

"Report" xəbər verir ki, bu barədə Yaponiyanın müdafiə naziri Sindziro Koidzumi mediaya açıqlamasında bildirib.

Onun sözlərinə görə, görüş bu gün Böyük Britaniya və Fransanın təşəbbüsü ilə onlayn keçiriləcək. Orada dünyanın ən vacib dəniz dəhlizlərindən birində naviqasiya təhlükəsizliyinin təmin edilməsi ilə bağlı məsələlər müzakirə olunacaq.

Koidzumi qeyd edib ki, Hörmüz boğazı qlobal logistika üçün strateji əhəmiyyətə malikdir. Buna görə də, nazir vurğulayıb ki, beynəlxalq ictimaiyyət regionda sabitliyin bərpası üçün səylərini sürətləndirməli və gəmilərin sərbəst və təhlükəsiz keçidini təmin etməlidir.

Yaponiya Müdafiə Nazirliyinin rəhbəri əlavə edib ki, həmkarları ilə dəniz nəqliyyatının qorunmasına və beynəlxalq ticarət üçün risklərin azaldılmasına yönəlmiş konkret tədbirləri müzakirə etmək niyyətindədir.

Oxşar xəbərlər

Bəqai: İran və Oman tezliklə Hörmüz boğazında gəmiçiliklə bağlı yeni qaydaları müzakirə edəcək

Starmer: Fransa və Britaniya Hörmüzdə müdafiə xarakterli hərbi missiyaya başlamağa hazırdır

Avstraliya və Yaponiya Hörmüz boğazına hərbi gəmilər göndərməkdən imtina edib

London Hörmüz boğazı ilə bağlı ABŞ olmadan danışıqlar keçirəcək

Almaniya və Britaniya Hörmüz boğazında gəmilərin mühafizəsi missiyasında iştirak etməyəcək