"Neftçi" ilə oyuna çox yaxşı hazırlaşmışdıq.

"Report"un məlumatına görə, bunu "Abşeron" klubunun baş məşqçisi Erhan Toker "Neftçi"yə qarşı Azərbaycan Basketbol Liqasının V turunun oyunundan sonra klubun mətbuat xidmətinə açıqlamasında deyib.

Türkiyəli mütəxəssis qalib gəldikləri görüş barədə danışıb:

"Hər zaman ilk periodları yaxşı oynayırıq. Bu dəfə də belə oldu. Bundan öncəki matçlardan fərqli olaraq fasilədən sonrakı dövrələri yaxşı oyunla başa vurduq Müdafiədə inamlı idik və bu da öz növbəsində hücumdakı keyfiyyətimizə müsbət təsir etdi. Daha öncə məğlub olduğumuz qarşılaşmalarda da belə oyun nümayiş etdirə bilsəydik, son hissələrdə qalib gələ bilərdik. Bu matça çox yaxşı hazırlaşmışdıq. Gözəl qələbə oldu. Bu qalibiyyətə görə çox sevincliyik".

Qeyd edək ki, "Neftçi" - "Abşeron" qarşılaşması ikincilərin 72:56 hesablı qələbəsi ilə yekunlaşıb.

Oxşar xəbərlər

"Naxçıvan"ın baş məşqçisi: "Rəqibimiz bu gün bizi yaxşı təhlil etmişdi"

"Abşeron"un baş məşqçisi: "Təəssüf ki, bugünkü məğlubiyyət çox acı idi"

"Ordu"nun baş məşqçisi: "Lənkəran"la oyuna dönüş nöqtəsi kimi baxırdıq"

NTD klubunun baş məşqçisi: "Qalib gəlsəydik, hər şeydən razı qalardım"

"Naxçıvan"ın baş məşqçisi: "Bugünkü qələbə məni xoşbəxt etmədi"