Əvvəllər İngiltərənin “Arsenal” və İtaliyanın “Yuventus”unda forma geyinmiş Aaron Remzi Uelsin “Kardiff Siti” komandasına müvəqqəti başçılıq edəcək. Futbolçu “mavi quşlar”ın oynayan baş məşqçisi olacaq.

“Sizinxeber.az” xəbər verir ki, bu barədə “Kardiff Siti” bəyanat yayıb.

“Kardiff Siti” FK təsdiq edə bilər ki, Ömər Riza əsas komanda meneceri vəzifəsindən azad edilməsi barədə qərar qəbul edilib.

Aaron Remzi Oksford Yunayted ilə evdə keçiriləcək bazar ertəsi matçından başlayaraq, <...> Çempionşip mövsümünün qalan üç oyununda kluba başçılıq edəcək”, – “mavi quşlar”ın bəyanatında bildirilib.

Kris Qanter, Co Ralls, Tom Hatton, Mettyu Blokshem və Qevin Vord ona texniki zonada qoşulacaq.

Qeyd edək ki, uelsli yarımmüdafiəçi Aaron Remzi peşəkar futbola “Kardiff Siti”də başlasa da, onun karyerasının ən parlaq dövrü “Arsenal”da oynadığı illərə düşür. Daha sonra o, “Yuventus”a transfer olunub və 3 il bu komandanın formasını geyinib. Son iki ildə isə 34 yaşlı futbolçu doğma klubun şərəfini qoruyur.

“Kardiff Siti” Uelsdə yerləşən futbol klubudur. Uels mənşəli olmasına baxmayaraq, komanda İngiltərənin ikinci əhəmiyyətli divizionu olan Çempionşip daxil olmaqla, İngiltərə futbol liqaları sistemində çıxış edir.

Oxşar xəbərlər

"Mançester Siti" və "Arsenal" argentinalı futbolçu ilə maraqlanır

İngiltərə Premyer Liqası: “Mançester Siti” “Arsenal”la matçda son dəqiqədə məğlubiyyətdən xilas olub

Kevin De Bruyne İngiltərə Premyer Liqası tarixinin ən yaxşı yarımmüdafiəçisi seçilib

İngiltərə çempionatı: "Arsenal" "Mançester Siti"ni darmadağın edib

“Mançester Siti” qələbə qazanıb, “Çelsi” və “Arsenal” xal itirib