"Qarabağ" güclü komandadır.

"Report"un məlumatına görə, bunu FCSB-nin (Rumıniya) baş məşqçisi Elias Xaralambous Bakıda "Qarabağ"a qarşı keçirəcəkləri UEFA Avropa Liqasının oyunundan əvvəl mətbuat konfransında deyib.

Mütəxəssis Ağdam təmsilçisinin təcrübəli komanda olduğunu vurğulayıb:

"Rəqibimiz və onun baş məşqçisi təcrübəlidir. Bizim üçün çətin olacaq. Amma komandamız yaxşı durumdadır. Çalışacağıq bunu sabah meydanda göstərək".

O, "köhlən atlar"ın fəxri prezidenti Abdolbari Gozalın vəfatı ilə bağlı danışıb:

"Qarabağ" üçün əhəmiyyətli şəxs həyatını itirib. Onu sevənlərə və klubun bütün üzvlərinə başsağlığı verirəm".

Baş məşqçi heyətdə çatışmazlıqlar olduğunu bildirib:

"Zədəli futbolçularımız var. Bu səbəbdən alternativlər fikirləşirik. Yenə də bunun bizə ciddi təsir etməyəcəyini düşünürəm".

Qeyd edək ki, UEFA Avropa Liqasının Liqa mərhələsinin VII turunun "Qarabağ" - FCSB matçı yanvarın 23-də, saat 21:45-də Tofiq Bəhramov adına Respublika stadionunda keçiriləcək. Turnir cədvəlində Azərbaycan çempionu 3 xalla 33-cü, FCSB 11 xalla 10-cu sıradadır.

Oxşar xəbərlər

"Ayaks"ın baş məşqçisi: "Qarabağ" çox güclü komandadır"

"Qarabağ"ın baş məşqçisi: "Rumıniya klubu ilə görüşdə qələbə qazanmaq istəyirik"

"Malmö"nün baş məşqçisi: "Qarabağ" güclü komandadır"

Elvin Cəfərquliyev: "Azarkeşlərimizi sevindirməyə çalışacağıq"

"Malmö"nün baş məşqçisi: "Sabah Avropa Liqasındakı ən güclü klublardan biri ilə qarşılaşacağıq"