BMT yanında Azərbaycanın Daimi Nümayəndəliyi Nyu-Yorkda 28 May – Müstəqillik Gününə həsr olunan ənənəvi bayraq qaldırma mərasimində iştirak edib.

APA xəbər verir ki, bu barədə Azərbaycanın BMT yanında Daimi Nümayəndəliyinin X sosial şəbəkəsində paylaşdığı məlumatda bildirilib.

Qeyd olunub ki, tədbir Nyu-York şəhərində keçirilib və mərasimdə Azərbaycan-Amerika icmasının nümayəndələri, eləcə də şəhər sakinləri iştirak ediblər.

“Bu tarixi günü Azərbaycan-Amerika icmasının üzvləri və digər Nyu-York sakinləri ilə birlikdə qeyd etməkdən məmnun olduq”, – paylaşımda vurğulanıb.

Paylaşılan fotolarda Azərbaycanın dövlət bayrağının Nyu-York küçələrində qaldırıldığı və tədbir iştirakçılarının bayraqlarla mərasimə qatıldığı əks olunub.

Oxşar xəbərlər

Nyu-Yorkda Azərbaycan bayrağı ucaldılıb

Nyu Yorkda Azərbaycan bayrağı qaldırılıb

Azərbaycanın "Dəniz Təhlükəsizliyi Mükəmməllik Mərkəzi"nə üzvlülüyü münasibətilə bayraq qaldırma mərasimi olub

ABŞ-nin bir sıra şəhər və ştatlarında Azərbaycanın Müstəqillik Günü münasibətilə bəyannamələr verilib - FOTO

Azərbaycanın BMT-dəki nümayəndəsi Nyu-Yorkda regionun investisiya imkanlarından danışıb