UEFA Çempionlar Liqasının pley-off mərhələsinin Xorvatiyada keçiriləcək "Dinamo" - "Qarabağ" matçını idarə edəcək isveçli Qlenn Nyuberq daha əvvəl də Azərbaycan çempionunun oyununa təyinat alıb.

"Report"un məlumatına görə, 35 yaşlı referi 2021/2022 mövsümündə Konfrans Liqasının III təsnifat mərhələsində "köhlən atlar"ın səfərdə Kiprin AEL komandasına qarşı ilk görüşündə iş başında olub.

O, sözügedən qarşılaşmada bəxtsizliklə üzləşib. Qlenn Nyuberq heç-heçə yekunlaşan (1:1) oyunun 80-ci dəqiqəsində zədələnib və matçı davam etdirə bilməyib. Onu həmyerlisi Boyan Panciç əvəzləyib.

FIFA referisi bu il Almaniyada təşkil olunan Avropa çempionatının üç oyununu da idarə edib. AVRO-2024-də Rumıniya - Ukrayna (3:0), Albaniya - İspaniya (0:1) və Fransa - Belçika (1:0) qarşılaşmaları ona həvalə edilib.

Qeyd edək ki, avqustun 20-də "Maksimir" stadionunda reallaşacaq matç Bakı vaxtı ilə saat 23:00-da start götürəcək. Cavab oyunu avqustun 28-də gerçəkləşəcək.

Oxşar xəbərlər

Azərbaycanın FIFA referisi Konfrans Liqasının pley-off mərhələsinin cavab oyununa təyinat alıb - EKSKLÜZİV

Çempionlar Liqası: "Dinamo" - "Qarabağ" oyununun hakimləri müəyyənləşib

UEFA-dan azərbaycanlı hakimə Konfrans Liqası oyununa TƏYİNAT

Azərbaycanın FIFA referisi Avropa Liqasının oyununa təyinat alıb

Azərbaycanlı FIFA referisi UEFA Konfrans Liqasının oyununa təyinat alıb