Azərbaycanda iri və xırdabuynuzlu heyvanların sayında ciddi azalma müşahidə olunur. Statistik göstəricilərə əsasən, 2025-ci illə müqayisədə iribuynuzlu mal-qaranın sayı 0.9% azalıb. Son 10 ilin dinamikasına nəzər saldıqda isə xırdabuynuzlu heyvanların sayında 20-25%, iribuynuzlu heyvanlarda isə 7-8% azalma qeydə alınıb.

Sizinxeber.Az xəbər verir ki, bu barədə Baku TV-nin videomaterialında bildirilib.

Mütəxəssislər və təsərrüfat sahibləri bu azalmanın bir neçə əsas səbəbinin olduğunu bildirirlər:

- Yem bazasının və otlaq sahələrinin azalması: Təbii otlaq sahələrinin azalması və keyfiyyətli yemə olan tələbatın ödənilməməsi fermerləri çətin vəziyyətdə qoyur.

- Yemlərin bahalaşması: Arpa və otun qiymətindəki artım yem rasionunu bahalaşdırır.

- Yemlərdə keyfiyyətsiz qatqılar: Fermerlər bəzi hallarda yemlərə daş tozu və digər qatqıların vurulduğunu, bunun da heyvanların tələf olmasına səbəb olduğunu bildirirlər.

- Erkən kəsim: Heyvanların tam böyümədən, xüsusilə, damazlıq üçün yararlı olan dövrdə kəsimə göndərilməsi sürünün gələcəkdə azalmasına yol açır.

İqtisadçı Xalid Kərimli qeyd edib ki, əhalinin ətə olan tələbatının 25% civarında artdığı bir dövrdə mal-qaranın sayının azalması qiymət artımını labüd edir.

Milli Məclisin deputatı Aydın Hüseynov isə bildirib ki, damazlıq heyvanların qorunması, fermerlərə dəstəyin artırılması və kəsim məntəqələrində nəzarətin gücləndirilməsi vacibdir. Onun sözlərinə görə, erkən yaşda və çəkisi az olan heyvanların kəsiminin qarşısı alınmalıdır.

Oxşar xəbərlər

Qubada onlarla xırdabuynuzlu heyvan tələf olub

Məcnun Məmmədov: "Son 5 il ərzində heyvanların sayında azalma müşahidə olunur"

Nazirlik: Heyvanların aşağı çəkidə kəsilməsi ət istehsalına mənfi təsir göstərir

Azərbaycana ət və süd tələbatını ödəmək üçün lazım olan damazlıq heyvan sayı açıqlanıb

Azərbaycanda ət və ət məhsulları niyə bahalaşır? - Audit