Azərbaycanın MMA döyüşçüsü Tofiq Musayev iyulun 21-də Bakıda təşkil olunacaq Mütləq Döyüş Çempionatının (UFC) turnirində iştirak edə bilər.

Bu barədə "Report"a açıqlamasında Azərbaycan MMA və Qrapplinq Federasiyasının prezidenti Azad Əsgərov məlumat verib.

O, bu məsələ ilə bağlı hələlik danışıqların davam etdiyini bildirib:

"Yarışda Rafael Fiziyev və Nazim Sadıqovdan başqa, Tofiq Musayevin də iştirakı gözlənilir. Buna 2-3 gün sonra aydınlıq gələcək. Fiziyev və Sadıqovdan Bakıda qələbə gözləyirik. Turnir Azərbaycanda keçirildiyindən onların motivasiyaları da artacaq. Hazırda hər ikisi yaxşı formadadır. Diqqət mərkəzində olduqları üçün yarışa daha yaxşı hazırlaşacaqlar".

Qeyd edək ki, “UFC Fight Night” iyulun 21-də Bakı Kristal Zalında baş tutacaq.

Oxşar xəbərlər

Azərbaycanın MMA döyüşçüsü Rafael Fiziyev Castin Qeydjiyə məğlub olub

Azərbaycanın MMA döyüşçüsü yeni turnirdə iştirak edəcək

Azərbaycanın MMA döyüşçüsü: "UFC-nin təklifindən imtina etməyimin səbəbi qonorarın az olmasıdır"

Tofiq Ağababayevlə vida mərasimi keçirilib

Tofiq Musayev və dostları Həsən Əzizovu dörd yaşlı uşağının gözü önündə döyüblər - TƏFƏRRÜAT