"UFC-dən də təklif gəlmişdi. İmtina etməyimin səbəbi qonorarın az olmasıdır.

Bunu "Sizinxeber.az"a açıqlamasında Azərbaycanın MMA döyüşçüsü Tofiq Musayev deyib.

"Global Fıght League" ilə müqavilə imzalayan 35 yaşlı idmançı bir il ərzində bu təşkilatda 3-4 görüş keçirmək istədiyini bildirib:

"Bu, ABŞ-nin təşkilatıdır. Yeni qurulub. Maraqlı olacağını düşünürəm. İlk qarşılaşmam apreldə baş tutacaq. Rəqib hələlik bəlli deyil. İlk döyüş Dubayda, ikinci isə Braziliyada olmalıdır. Dünyanın ən məşhur idmançılarından bir neçəsini artıq cəlb ediblər. Müqavilədəki məbləğ də normaldır. Mütləq Döyüş Çempionatı (UFC) ilə rəqabət aparmaq istəyirlər. UFC-nin sabiq çempionları da bu qurumla müqavilə imzalayıblar".

T.Musayev UFC-dən də təklif aldığını söyləyib:

"İmtina etməyimin səbəbi qonorarın buradakından az olmasıdır. UFC-nin adı və reklamı var. Qonorar sərf etmədiyi üçün ora getməyə dəymir".

Qeyd edək ki, Tofiq Musayev daha əvvəl "Rizin" və "Bellator"da mübarizə aparıb.

Oxşar xəbərlər

Azərbaycanın MMA döyüşçüsü yeni turnirdə iştirak edəcək

"Bayer 04"ün baş məşqçisi İngiltərə və Almaniya klublarının təklifindən imtina edib

Yeni Zelandiyadan olan MMA döyüşçüsü ölü tapılıb

Məşhur futbolçu Argentina klubuna keçməkdən imtina edib

Fernando Torres "Deportivo"nu çalışdırmaqdan imtina edib