Astarada baş vermiş qəzada ölən və yaralılar var.

Sizinxeber.az-nın cənub bürosunun verdiyi xəbərə görə hadisə rayonun Təxtənəkəran-Hamuşam kənd yolunda baş verib.

Belə ki, Astara rayonunun Niləşə kənd sakini Tərlan Sənham oğlu Eyvazov idarə etdiyi "VAZ-2107" markalı nəqliyyat vasitəsi ilə hərəkətdə olarkən idarəetməni itirib. Nəqliyyat vasitəsi hündürlükdən dərəyə aşıb.

Qəza nəticəsində sürücü T. Eyvazov ölüb. Avtomobildə sərnişin qismində olan 1977-ci il təvəllüdlü Azər Xanoğlan oğlu Rzayev, 1980-cı il təvəllüdlü İbrahim Xanəhməd oğlu Məmmədov və 1980-ci il təvəllüdlü Nazim Balağa oğlu Əliyev müxtəlif dərəcəli bədən xəsarətləri alaraq Lənkəran Rayon Mərkəzi Xəstəxanasının təcili yardım şöbəsinə hospitalizasiya olunublar.

Vəziyyəti daha ağır olan A. Rzayev dərhal reanimasiya şöbəsinə yerləşdirilib. Digərlərinin müalicəsi xəstəxananın təcili yardım şöbəsində davam etdirilir.

Qəzanın baş vermə səbəbləri dəqiqləşdirilir.

Faktla bağlı Rayon Polis Şöbəsində araşdırma aparılır.

Oxşar xəbərlər

Astarada maşın 100 metr hündürlükdən dərəyə aşıb, ölən və xəsarət alan var

Lerikdə avtomobil dərəyə aşıb, sürücü xəsarət alıb

Lerikdə maşın dərəyə aşıb, sürücü xəsarət alıb

Lənkəranda baş verən qəzada xəsarət alanların kimliyi məlum olub - YENİLƏNİB

Lənkəranda baş verən qəzada 3 nəfər xəsarət alıb - FOTO