ABŞ Prezidenti Donald Tramp Yaxın Şərq regionunun bütün cəbhələrində tam atəşkəsə çağırıb.

"Report" xəbər verir ki, bu barədə o "Truth Social" sosial şəbəkəsində yazıb.

"ABŞ sülhə sadiqdir və biz Yaxın Şərqdə hər kəsi bizim danışıqlarımızın (İranla - red.) mükəmməl irəliləməsinə imkan yaratmaq üçün bu mövqeyə sadiq qalmağa çağırırıq. Bazarlar baş verənlərdən çox məmnundur: neftin qiyməti əhəmiyyətli dərəcədə ucuzlaşır, səhmlər isə nəzərəçarpacaq dərəcədə bahalaşır. Biz Livan, "Hizbullah" və İsrail də daxil olmaqla, bütün cəbhələrdə tam atəşkəs gözləyirik", - paylaşımda bildirilib.

Qeyd edək ki, iyunun 18-də ABŞ və İran arasında imzalanmış memorandum Vaşinqton və Tehran arasında hərtərəfli razılaşmanın hazırlanması üçün 60 günlük danışıqlar prosesinin başlanmasını nəzərdə tutur. Sənəddə həmçinin tərəflər arasında gərginliyin azaldılması, İranın nüvə proqramının müzakirəsi, sanksiya rejiminin mərhələli şəkildə yumşaldılması və Hörmüz boğazında gəmiçiliyin təhlükəsizliyinin təmin edilməsi haqqında əsasnamələr da yer alır.

Oxşar xəbərlər

Netanyahu: İsrail ordusu ölkənin təhlükəsizliyi təmin edilənədək Livanın cənubunu tərk etməyəcək

İran və ABŞ arasında memorandum imzalandıqdan sonra Hörmüzdən 7 gəmi keçib

İran Fars körfəzi ölkələri ilə anlaşılmazlıqları aradan qaldırmaq istəyir

Müctəba Xamenei ABŞ ilə imzalanan memorandumla bağlı xalqa müraciət edib

Tramp: İsrail və "Hizbullah" arasında daimi atəşkəsə ümid edirəm