BMT rəsmisi: İqlim dəyişikliyi qadınların suya çıxışına daha çox təsir göstərir

Dünyada qadınların 43%-i kənd təsərrüfatında fəaliyyət göstərir.

Report" xəbər verir ki, bunu BMT-nin Azərbaycandakı rezident əlaqələndiricisinin səlahiyyətlərini müvəqqəti icra edən Nasar Hayat ADA Universitetində "Su və gender bərabərliyi" mövzusunda keçirilən konfransda deyib.

O bildirib ki, bu gün iqlim dəyişikliyi səbəbindən su ekosistemi çox təsirlənib: "Heç də təəccüblü deyil ki, qadınlar daha çox su resurslarına ehtiyac duyurlar. Bu problem qadınların həyatına, işlərinə, suya çıxışına daha çox təsir göstərir. Bu gün qadınların su problemlərinin həlli istiqamətində iştirakı çox zəifdir".

N.Hayat su resurslarının idarə edilməsi ilə bağlı məsələlərdə qadınların da iştirakının artırılması üçün çağırış edib.