Ceyhun Bayramov iordaniyalı həmkarı ilə regional təhlükəsizliyi müzakirə edib - YENİLƏNİB

Azərbaycanın xarici işlər naziri Ceyhun Bayramov İslam Əməkdaşlıq Təşkilatının Xarici İşlər Nazirləri Şurasının İstanbul şəhərində keçirilən 51-ci sessiyası çərçivəsində İordaniyanın Baş nazirinin müavini, xarici işlər naziri Ayman Əs-Səfadi ilə görüşüb.

"Sizinxeber.az" xəbər verir ki, bu barədə Azərbaycan Xarici İşlər Nazirliyi məlumat yayıb.

Bildirilib ki, görüşdə Azərbaycan və İordaniya arasında ikitərəfli və çoxtərəfli əməkdaşlıq məsələləri, Yaxın Şərq bölgəsində regional vəziyyət, İsrail-İran qarşıdurması müzakirə olunub.

Azərbaycan ilə İordaniya arasında mövcud olan dostluq və tərəfdaşlıq münasibətlərinin inkişafı, ikitərəfli və beynəlxalq təşkilatlar çərçivəsində əməkdaşlığın daha da genişləndirilməsi üçün səylərin daha da artırılmasının vacibliyi vurğulanıb.

Azərbaycan və İordaniya arasında Ticarət, İqtisadi və Texniki Əməkdaşlıq üzrə Hökumətlərarası Komissiyanın növbəti iclasının yaxın zamanlarda təşkilinə hazırlıq məsələləri nəzərdən keçirilib.

Görüş zamanı həmçinin qarşılıqlı maraq doğuran digər ikitərəfli və regional məsələlər ətrafında fikir mübadiləsi aparılıb.

Azərbaycanın xarici işlər naziri Ceyhun Bayramov İslam Əməkdaşlıq Təşkilatının (İƏT) Xarici İşlər Nazirləri Şurasının 51-ci sessiyası çərçivəsində iordaniyalı həmkarı Ayman Safadi ilə görüşərək regional təhlükəsizliyi müzakirə edib.

"Sizinxeber.az" xəbər verir ki, bu barədə Azərbaycan Xarici İşlər Nazirliyi məlumat yayıb.

Bildirilib ki, nazirlər görüş zamanı ikitərəfli münasibətlərin inkişafını müzakirə edib, regional təhlükəsizlik barədə fikir mübadiləsi aparıb, həmçinin beynəlxalq və regional təşkilatlar çərçivəsində əməkdaşlığın davam etdirilməsinə sadiqliyi təsdiqləyiblər.

Tərəflər həmçinin İsrail-İran münaqişəsi nəticəsində artan regional qeyri-sabitliklə bağlı narahatlıqlarını ifadə ediblər.

On the sidelines of the 51st Session of the OIC Council of Foreign Ministers #OICCFM51 #OICIstanbul, Minister of Foreign Affairs of the Republic of Azerbaijan @Bayramov_Jeyhun met with Deputy Prime Minister and Minister of Foreign Affairs of the Hashemite Kingdom of Jordan, Ayman… pic.twitter.com/BY6P9BOPfI

— MFA Azerbaijan (@AzerbaijanMFA) June 21, 2025