"City Finance" MMC bank olmayan kredit təşkilatı (BOKT) 2025-cü ili 3,124 milyon manat xalis mənfəətlə başa vurub.

"Sizinxeber.az" BOKT-un maliyyə hesabatına istinadən xəbər verir ki, bu, 2024-cü illə müqayisədə 21,9 % çoxdur.

Ötən il "City Finance"ın vergiyəqədərki mənfəəti 3,964 milyon manat (əvvəlki ilə nisbətən 24,6 % çox), mənfəət vergisi ödəmələri isə 840 min manat (35,7 % çox) təşkil edib.

Bu il yanvarın 1-nə "City Finance"ın aktivləri 41,889 milyon manat olub ki, bu da illik müqayisədə 36,9 % çoxdur. Bunun 39,563 milyon manatı müştərilərə verilmiş kreditlərdir. 2025-ci ildə BOKT-un kredit portfeli 35,8 % böyüyüb.

Hesabat dövründə "City Finance"ın öhdəlikləri 53,2 % artaraq 23,545 milyon manata, balans kapitalı isə 20,5 % artaraq 18,345 milyon manata çatıb.

Xatırladaq ki, "City Finance" 2013-cü ildə yaradılıb. Onun nizamnamə kapitalı 5 milyon manatdır. BOKT-un təsisçiləri 72,5 % payla "AQA Şirkətlər Qrupu" MMC və 27,5 % payla Məhəmməd Həbibzadədir. O, həm də "AQA Şirkətlər Qrupu"na daxil olan Azərbaycanın aparıcı faktorinq xidməti "Ferrum Kapital" QSC-nin səhmlərinin 23 %-nə nəzarət edir.

Oxşar xəbərlər

"Falcon Finance" BOKT ötən ili zərərlə başa vurub

"İdeal Kredit" BOKT maliyyə vəziyyətini açıqlayıb

"Brand Credit" BOKT maliyyə vəziyyətini açıqlayıb

"Regional" BOKT maliyyə vəziyyətini açıqlayıb

MCB BOKT-un xalis mənfəəti 7 %-dən çox azalıb