“Finoko” ASC bank olmayan kredit təşkilatı (BOKT) 2024-cü ili 3,173 milyon manat xalis zərərlə başa vurub.

“Sizinxeber.az” BOKT-un maliyyə hesabatına istinadən xəbər verir ki, bu, 2022-ci illə müqayisədə 95,6 % çoxdur.

Ötən il “Finoko”nun vergiyəqədərki zərəri 4,252 milyon manat (2,3 dəfə çox), mənfəət vergisi ödəmələri üzrə qənaəti 1,079 milyon manat (4,2 dəfə çox) təşkil edib.

Bu il yanvarın 1-nə “Finoko”nun aktivləri 23,416 milyon manat olub ki, bu da illik müqayisədə 29,9 % azdır. Bunun 13,329 milyon manatı müştərilərə verilmiş kreditlərdir. 2024-cü ildə BOKT-un kredit portfeli 43,3 % kiçilib.

Hesabat dövründə “Finoko”nun öhdəlikləri 21,9 % artaraq 25,176 milyon manata çatıb, 1,613 milyon manatlıq balans kapitalı isə 1,76 milyon manatlıq kapital çalışmazlığı ilə əvəz olunub, yəni kapitalı mənfiyə (müflislik həddinə) düşüb.

Xatırladaq ki, “Finoko” 2014-cü ildə yaradılıb. Onun nizamnamə kapitalı 5,355 milyon manatdır. BOKT-un səhmdarları hər biri 50% payla Elçin Əliyev (Müşahidə Şurasının sədri) və Elmar Əliyevdir (Müşahidə Şurasının üzvü).

Oxşar xəbərlər

Azərbaycan BOKT-larının xalis mənfəəti 3 dəfə artıb

Azərbaycandakı kredit ittifaqlarının zərəri 80 % artıb

"Azərkontrakt"ın xalis mənfəəti 4 dəfəyə yaxın azalıb

“Zıraat Bank Azərbaycan"ın mənfəəti azalıb

"Şahdağ Turizm Mərkəzi"nin yığılmış zərəri 100 milyon manatı keçib