Bu gün dünyada və regionda baş verən qlobal dəyişikliklər fonunda korporativ dayanıqlığa sahib olmaq vacibdir.

"Sizinxeber.az" xəbər verir ki, bunu Azərbaycanda Amerika Ticarət Palatasının ("AmCham Azerbaijan") prezidenti Dəyanət Sədullayev "Dayanıqlılıq və Enerji Transformasiyası" mövzusunda Bakıda keçirilən "Technovation" Forumunda bildirib.

Onun sözlərinə görə, biznes icması üçün bu, təkcə yeni texnologiyaların mənimsənilməsi deyil, həm də biznes modellərinin yenidən nəzərdən keçirilməsi, səmərəliliyin artırılması, yaranan çağırışlara cavab verilməsi və uzunmüddətli dəyərin yaradılması deməkdir: "Sürətlə dəyişən mühitə cavab vermək haqqında danışmaq asandır, amma bir gün raketlərin uçduğunu görürsən, başqa bir gün görmürsən və bunun nə vaxt bitəcəyini və ya bu çağırışların biznesler üçün nə vaxt yüngülləşəcəyini bilmirsən. Buna görə də, "Technovation" kimi platformalar və ya ünsiyyət və dialoq üçün hər hansı bir platforma əlaqələrin qurulmasında çox vacibdir".

O bildirib ki, xüsusilə "AmCham" olaraq, məqsədləri dövlət-özəl sektorun ünsiyyəti və əməkdaşlığı üçün oxşar platformalar qurmaqdır.

Oxşar xəbərlər

Hüseyn Hüseynov: "Azərbaycan rəqəmsal inkişafı strateji prioritetə çevirir"

Azərbaycanda rəqəmsal transformasiyanın əsas şərti açıqlanıb

İrakli Kobaxidze: Cənubi Qafqaz dünyada baş verən proseslər fonunda xüsusi əhəmiyyət kəsb edir

Dünya Bankı: "Azərbaycanın NDC məqsədlərinə nail olmaq potensialı var"

IFC: ESG standartı ilə bağlı Azərbaycanda məlumatlılıq artırılmalıdır