Azərbaycanda ötən il muzeyləri ziyarət edənlərin sayı 3 milyona yaxın olub

Azərbaycanda 2025-ci ildə muzeylərə gələn ziyarətçi sayı 3 milyona yaxın olub.

Bu barədə "Sizinxeber.az"un sorğusuna cavab olaraq Dövlət Statistika Komitəsindən məlumat verilib.

Bildirilib ki, ötən il 244 muzeyə ümumilikdə 2 milyon 637 min 100 nəfər ziyarətçi gəlib.

Bu, 2024-cü illə müqayisədə, demək olar ki, eynidir. Belə ki, 2024-cü ildə muzeylərdəki ziyarətçi sayı 2 milyon 688 min nəfər olub.