Bu ilin yanvar-may aylarında Naxçıvan Muxtar Respublikasında 226,1 milyon manatlıq sənaye məhsulu istehsal olunub.

Bu barədə "Sizinxeber.az"un yerli bürosuna Naxçıvanın Dövlət Statistika Komitəsindən bildirilib.

Məlumata görə, bu, ötən ilin eyni dövrü ilə müqayisədə 8 % çoxdur.

Sənaye məhsulunun 196,7 milyon manatlıq hissəsi malların, 29,4 milyon manatlıq hissəsi xidmətlərin payına düşüb, 0,1 %-i mədənçıxarma, 82,2 %-i emal, 16,2 %-i elektrik enerjisi, qaz və buxar istehsalı, bölüşdürülməsi və təchizatı, 1,5 %-i isə su təchizatı, tullantıların təmizlənməsi və emalı sektorlarında istehsal olunub.

Bundan başqa, 5 ay ərzində muxtar respublikada 92,3 milyon manatlıq kənd təsərrüfatı məhsulu istehsal olunub. Bu isə 1 il əvvələ nisbətən 0,7 % çoxdur.

Hesabat dövründə Naxçıvanda 2,9 milyon ton yük və 19,25 milyon sərnişin daşınıb. Bunlar isə illik müqayisədə müvafiq olaraq 1 % və 0,9 % çoxdur.

Oxşar xəbərlər

Naxçıvanda sənaye istehsalı 14 % artıb

Naxçıvanda sənaye istehsalı azalıb

Muxtar respublikada ümumi daxili məhsul istehsalı artıb   

Naxçıvanda sənaye istehsalı 6 % azalıb

Naxçıvanda sənaye istehsalı 8 %-dən çox azalıb